கிளிநொச்சியில் மதுபான சாலைகளுக்கு பதிலாக தொழிற்சாலைகள் வேண்டும்; மக்கள் வலியுறுத்தல்!

4shares
Image

கிளிநொச்சியில் மதுபான சாலைகளுக்கு பதிலாக தொழிற்சாலைகளை அமைத்து, தமது வாழ்வாதாரத்தை மேம்படுத்த நடவடிக்கை எடுக்க வேண்டும் என பிரதேச மக்கள் வலியுறுத்தியுள்ளனர்.

பெரிய பரந்தனில் மதுபானசாலைகளை அமைப்பதற்கு எதிர்ப்பு தெரிவித்து இன்று (16.05.2018) ஆர்ப்பாட்டத்தில் ஈடுபட்ட மக்கள், மதுபானசாலைகள் அமைக்கப்படுவதால் பெண்கள் , சிறுவர்களுக்கான பாதுகாப்பு கேள்விக்குறியாக்கப்படுவதாக சுட்டிக்காட்டியுள்ளனர்.

கிளிநொச்சி – பெரிய பரந்தன் பிரதேசத்தில் புதிய மதுபானசாலை அமைக்கப்படுவதற்கு எதிர்ப்பு தெரிவித்து பிரதேச மக்கள் மீண்டும் இன்று ஆர்ப்பாட்டத்தில் ஈடுபட்டுள்ளனர்.

இந்த ஆர்ப்பாட்டத்தில் அதிகளவில் பெண்கள் கலந்துகொண்டிருந்ததுடன், மதுபானசாலையை அமைப்பதற்கு எதிரான வாசகங்கள் அடங்கிய பதாதைகளையும் அவர்கள் ஏந்தியிருந்தனர்.

கஞ்சா உள்ளிட்ட போதைப்பொருளின் பாவனையால் இளைஞர் சமூகம் சீரழிவதாகவும் ஆர்ப்பாட்டத்தில் ஈடுபட்ட மக்கள் கவலை வெளியிட்டுள்ளனர்.

இந்த விடயத்தில் பிரதேச மக்களின் கோரிக்கைக்கு செவிசாய்த்து, மதுபானசாலையை அமைக்க அனுமதி வழங்க கூடாது என ஆர்ப்பாட்டத்தில் கலந்துகொண்ட மாதர் சங்கப் பிரதிநிதிகள் வேண்டுகோள் விடுத்துள்ளனர்.

மதுபானசாலையை அமைப்பதற்கு எதிரான கோரிக்கை அடங்கிய மகஜர் ஒன்றையும் கிளிநொச்சி பொலிஸ் நிலைய பொறுப்பதிகாரி, கரைச்சி பிரதேச சபை தலைவர் மற்றும் மாவட்ட அரசாங்க அதிபர் ஆகியோருக்கும் பிரதேச மக்கள் கையளித்துள்ளமை குறிப்பிடத்தக்கது.

ஒலி வடிவில் கேட்க
00:00
இதையும் தவறாமல் படிங்க
இவ்வாறெல்லாம் நடக்குமென்றுதான் தலைவர் பிரபாகரன் தமிழ் தேசத்திற்கே உரித்தான கட்டுமானங்களை உருவாக்கியிருக்கின்றார்!

இவ்வாறெல்லாம் நடக்குமென்றுதான் தலைவர் பிரபாகரன் தமிழ் தேசத்திற்கே உரித்தான கட்டுமானங்களை உருவாக்கியிருக்கின்றார்!

நம்பிக்கை வாக்கெடுப்பில் வெற்றி பெற்றார் குமாரசாமி ; வெளிநடப்பு செய்தது பாஜக.!

நம்பிக்கை வாக்கெடுப்பில் வெற்றி பெற்றார் குமாரசாமி ; வெளிநடப்பு செய்தது பாஜக.!

போதை தலைக்கேறியதில் தாய் தன் குழந்தைகளுக்கு செய்த கொடுமை!

போதை தலைக்கேறியதில் தாய் தன் குழந்தைகளுக்கு செய்த கொடுமை!