யாழில் நாளை காலை தளர்த்தப்படவுள்ள ஊரடங்கு! மக்களுக்காக செய்யப்பட்டுள்ள விசேட ஒழுங்கு

174shares

யாழ்ப்பான மாவட்டத்தில் ஊரடங்கு சட்டம் தளர்த்தப்படும் போது பிரதான சந்தைகள் மூடப்படும் என தெரிவித்துள்ள யாழ் மாவட்ட செயலர் கணபதிப்பிள்ளை மகேசன் மாற்றீடாக பொது மைதானங்கள் பொது இடங்கள் போன்றவற்றில் ஐதாக வியாபாரங்களை நடத்துமாறு அறிவுறுத்தியுள்ளதாக தெரிவித்தார்.

யாழ்ப்பாணம் மாவட்ட செயலகத்தில் அவர் இன்று நடத்திய பத்திரிகையாளர் சந்திப்பிலேயே இதனை தெரிவித்தார்.

அவர் மேலும் தெரிவிக்கையில்,

யாழ்ப்பாணத்தில் வறிய குடும்பங்கள், சமுர்த்தி பெறும் குடும்பங்களுக்கு அத்தியாவசிய பொருட்களை இலவசமாக வழங்குவதற்கான அத்தனை நடவடிக்கைகளும் முன்னெடுக்கப்பட்டுள்ளன. மேலும் மாவட்டத்திற்கு தேவையான அத்தியாவசிய பொருட்களை கொண்டுவருவதற்கு சகல ஏற்பாடுகள் செய்து கொடுக்கப்பட்டுள்ளன. அதனை வணிகர் கழகம் முன்னெடுத்து வருகின்றது.

கொழும்புக்கு சென்று அத்தியாவசிய பொருட்களை எடுத்து வருபவர்களுக்கு பாஸ் வழங்கப்படுகின்றன. அவ்வாறு பாஸ் எடுத்து பொருட்களை ஏற்ற செல்பவர்களுக்கு சில அறிவுரைகளும் வழங்கப்பட்டுள்ளன.

பொருட்களை ஏற்றி செல்லும் லொறிகளில் எந்த மாவட்டம் என்ன பொருட்கள் போன்றவற்றை காட்சிப்படுத்த வேண்டும்.

மேலும் முக்கியமாக செல்லும் வாகனங்களில் “அத்தியாவசிய தேவைகள் சேவை” என பெயரிடப்பட்டு செல்ல வேண்டும் என அறிவுறுத்தப்பட்டுள்ளனர்.

கடற்றொழிலாளர்களுக்கும் தற்போது தொழில் செய்வதற்கான ஏற்பாடுகள் ஏற்படுத்திக் கொடுக்கப்பட்டுள்ளன. யாழ்ப்பாணத்தில் ஊரடங்கு சட்டம் தளர்த்தப்படும் போது பொதுச் சந்தைகளில் மக்கள் கூட்டத்தை கட்டுப்படுத்துவதில் பாரிய சவால்களை எதிர்நோக்குகின்றோம்.

எனவே பொதுச் சந்தைகள் தொடர்பில் வடக்கு மாகாண உள்ளுராட்சி ஆணையாளரை அழைத்து பேசி சில முடிவுகள் எடுத்துள்ளோம்.

யாழில் ஊரடங்கு சட்டம் தளர்த்தப்படும் போது பிரதான சந்தைகள் அனைத்தும் மூடப்படும். அதற்கு மாற்றீடாக அந்தந்த சந்தைகளில் வியாபாரம் செய்யும் வியாபாரிகள் பொது இடங்கள், மைதானங்கள் போன்ற இடங்களில் பிரிந்து வெவேறு இடங்களில் விற்பனை செய்ய வேண்டும் என அறிவுறுத்தப்பட்டுள்ளனர்.

மேலும் ஊரடங்கு சட்டம் அமுலில் இருக்கும் போது பொதுமக்கள் வீடுகளில் இருத்தவாறே அத்தியாவசிய பொருட்களை கொள்வனவு செய்ய ஏற்பாடுகள் செய்யப்பட்டுள்ளன. அதற்கு கூட்டுறவு திணைக்களம், வணிகர் கழகம் இணைந்து நடமாடும் விற்பனை சேவைகளை முன்னெடுக்க உள்ளனர்.

இதன் ஊடாக மக்கள் தேவையற்று பொது இடங்களில் அதிகளவாக ஒன்று கூடுவது தவிர்க்கப்படும் என நம்புகின்றோம் என்றார்.


You May Like This

இதையும் தவறாமல் படிங்க
கொரோனாவை கட்டுப்படுத்தும் மருந்தை தாருங்கள்! இல்லையென்றால் தக்க பதிலடி தருவோம்- ட்ரம்ப் எச்சரிக்கை

கொரோனாவை கட்டுப்படுத்தும் மருந்தை தாருங்கள்! இல்லையென்றால் தக்க பதிலடி தருவோம்- ட்ரம்ப் எச்சரிக்கை

கொரோனா வைரஸ் தாக்கத்தினால் பிரித்தானியாவில் இலங்கையர்கள் இருவர் பலி!

கொரோனா வைரஸ் தாக்கத்தினால் பிரித்தானியாவில் இலங்கையர்கள் இருவர் பலி!

ஸ்ரீலங்காவில் வெளியான இனவாதத்தை தூண்டும் செய்தி!  உடனடி நடவடிக்கை கோரும் ஐக்கிய அரபு இராச்சியம்!

ஸ்ரீலங்காவில் வெளியான இனவாதத்தை தூண்டும் செய்தி! உடனடி நடவடிக்கை கோரும் ஐக்கிய அரபு இராச்சியம்!