கொரோனா வைரஸால் உலகளாவிய ரீதியில் உணவுத்தட்டுப்பாடு ஏற்படலாம்! ஐ.நா எச்சரிக்கை

184shares

கொரோனா வைரஸால் உலக நாடுகள் முன்னெடுத்துள்ள நடவடிக்கைகள் காரணமாக சர்வதேச அளவில் உணவு தட்டுப்பாடு ஏற்படலாம் என ஐ.நாவின் உணவு மற்றும் விவசாய ஸ்தாபனத்தின் தலைமை பொருளியலாளர் மக்சிமோ டொரேரோ எச்சரிக்கை விடுத்துள்ளார்.

கொரோனா வைரஸ் காரணமாக விவசாய தொழிலாளர்களுக்கு ஏற்பட்டுள்ள பற்றாக்குறை மற்றும் அரசாங்கங்கள் விதித்துள்ள வரிகள் ஏற்றுமதிக்கான தடைகள் காரணமாக எதிர்வரும் வாரங்களில் உணவுத்தட்டுப்பாடு ஏற்படலாம் எனவும் தெரிவித்துள்ளார்.

அரசாங்கங்கள் உணவுப்பொருட்கள் தொடர்பான கட்டுப்பாடுகளை விதித்தால் மோசமான விடயங்கள் நிகழக்கூடும் என தெரிவித்துள்ள அவர் சுதந்திர வர்த்தகத்திற்கு எதிரான அனைத்து நடவடிக்கைகளும் எதிர்மறையானதாக அமையும் எனவும் குறிப்பிட்டுள்ளார்.

தற்போது தடைகளிற்கான நேரமில்லை என குறிப்பிட்டுள்ள அவர் வர்த்தக தடைகளிற்குமான நேரம் இதுவல்ல இது சர்வதேச அளவில் உணவு விநியோகத்தை பாதுகாப்பதற்கான தருணம் என குறிப்பிட்டுள்ளார்.

ஏற்றுமதிகளை கட்டுப்படுத்துமாறு விடுக்கப்படும் வேண்டுகோள்களிற்கு அரசாங்கங்கள் செவிமடுக்க கூடாது.

உலகில் கோதுமை மாவை ஏற்றுமதி செய்யும் முக்கிய நாடுகளில் ஒன்றான கஜகஸ்தான் ஏற்றுமதியை நிறுத்தியுள்ளது, உலகில் அதிக அளவு அரிசியை ஏற்றுமதி செய்யும் மூன்றாவது நாடான வியட்நாம் தனது ஏற்றுமதியை தற்காலிகமாக நிறுத்திவைத்துள்ளது,

உலகில் கோதுமையை அதிகளவு ஏற்றுமதி செய்யும் நாடான ரஸ்யாவும் தடைகள் குறித்து எச்சரித்துள்ளது.

இந்த நிலையில் வர்த்தக தடைகள் மிகமோசமான நெருக்கடியை ஏற்படுத்தலாம் என தெரிவித்துள்ளார்.

உணவுப்பொருட்கள் தொடர்பான நெருக்கடி அடுத்த சில வாரங்களில் ஆரம்பித்து அடுத்த சில மாதங்களில் தீவிரமடையும் எனவும் அவர் தெரிவித்துள்ளார்..


you may like this?

இதையும் தவறாமல் படிங்க
கொரோனாவை கட்டுப்படுத்தும் மருந்தை தாருங்கள்! இல்லையென்றால் தக்க பதிலடி தருவோம்- ட்ரம்ப் எச்சரிக்கை

கொரோனாவை கட்டுப்படுத்தும் மருந்தை தாருங்கள்! இல்லையென்றால் தக்க பதிலடி தருவோம்- ட்ரம்ப் எச்சரிக்கை

பிரித்தானியப் பிரதமரின் தற்போதைய நிலை என்ன? பொறுப்புக்கள் யாரிடம்?

பிரித்தானியப் பிரதமரின் தற்போதைய நிலை என்ன? பொறுப்புக்கள் யாரிடம்?

தேநீர் கொரோனவிற்கு மருந்தா? சிறிலங்கா அரசாங்கத்தின் புதிய கண்டுபிடிப்பு!!

தேநீர் கொரோனவிற்கு மருந்தா? சிறிலங்கா அரசாங்கத்தின் புதிய கண்டுபிடிப்பு!!